BUSINESS News– Kumpiyansa ro manabang kapueongan it kongreso nga makabulig ro pag amyenda sa Republic Act (RA) No. 11953, ukon ro New Agrarian Emancipation Act agud nga mas pang mag abu ro produksyon it bugas sa nasyon.
Sa idaeum it nasambit nga laye, ro tanan nga utang it 610,054 nga agrarian reform beneficiaries nga naga abot sa P58 billion pesos halin sa termino ni Pangueong Ferdinand Marcos Sr., hay pagasabton eon it gobyerno.
Ro mga eugta nga gintau man sa idaeum it agrarian reform hay pagataw-an man it exemption sa pagbayad it estate tax.
Kamana man nga ro gobyerno ro magabayad sa P206.2 milyon pesos nga utang it 10,201 agrarian reform beneficiaries sa tag-ana it eugta nga andang gina-umhan sa idaeum it voluntary land transfer-direct payment scheme.
Ro mga magapanipueos kara hay ro masobra sa 1.1 milyong hektarya it paeayan.
Suno kay House Speaker Martin Romualdez nga ro pagsaeap sa utang it mga benepisyaryo hay unang tikang sa pagbulig sa mga mangunguma agud nga maging produktibo ro mga raya ag mapasaka ro andang kabuhi sa kapigaduhon ag mapa-abu ro produksyon it bugas sa nasyon.
