Sangka mapinuslanon ag produktibong selebrasyon it adlaw it mga tagipusuon ro ginpatigayon sa Boracay sa pinaagi it Project Pristine: Coastal and Underwater Clean-Up Drive nga ginsabayan it Unity Zumba Session.
Halin sa tempranong paglimpyo sa baybayon it Boracay ag mainland Malay hasta sa mapagsik nga Zumba, ginpakita it aktibidad ro pagtingob it komunidad sa pag-amlig it kalikasan ag pagtib-ong it ikamayad nga eawas.
Nagpasakop sa programa ro mga tourism frontliners, service providers, ag nagkaeain-eain nga taeatapan ag ahensya it gobyerno bilang pagpakita it suporta ag pag-ulikid sa isla.
Ginpangunahan ro proyekto it Malay Tourism Office sa pagdumaea ni Dr. Felix Delos Santos Jr., Chief Tourism Operations Officer, bilang kaparte it padayon nga pag-amlig ag pagpabilin it kalimpyo it isla.
Samtang sa pihak nga parte, umabot sa kabilugang 213,281 ro numero it mga nagbisita sa Boracay ko buean it Enero.
Sa nasambit nga tourist arrival, 159,415 ro domestic tourist; 6,590 ro overseas Filipinos ag 47,276 ro foreign tourist.
