Ginpadaea kay Pangueong Ferdinand Marcos Jr. ro proposisyong laye para sa pagpaeawig it termino it mga gin-ilihir nga Barangay ag Sangguniang Kabataan officials.
Ginkumpirma raya ni Senate President Sherwin Gatchalian matapos maaprubahan it Senado ag Kamara ro proposisyon.
Suno kay Gatchalian, kumpiyansa imaw nga paga-permahan raya it Pangueo.
Naga-eaom man ro Senate President nga mapirmahan ni Marcos ro proposisyon makaron nga dominggo.
Uwa eon nag-agi sa bicameral conference ro proposisyon matapos i-adopt it House of Representatives ro bersyon nga gin-aprubahan it Senado.
Sa idaeom it proposisyon, uman nga igapa-iway ro Barangay ag Sangguniang Kabataan Elections ukon BSKE.
Nakataeana kunta nga ipatigayon ro BSKE sa Nobyembre 2, apang sa oras nga maging laye ro proposisyon, uman nga madelay ro ekleksyon.
