NATIONAL News — Ginpaandaman it Environmental group EcoWaste Coalition ro publiko kontra sa paggamit it lipgloss nga may artificial dye rhodamine B, nga sangka harmful substance.
Ginpahayag it grupo nga ro mga makahaealit nga produkto hay ginabaligya sa online ag sa pilang mga baealigyaan sa Malabon City.
Ginpaguwa it EcoWaste ro paandam matapos laygayan it Food and Drug Administration (FDA) ko Hulyo 31 ro publiko kontra sa pagbakae it Meiya Matte Lipgloss – ME-6058, sangka produktong himo it China nga nagpositibo sa rhodamine B.
Ginpahayag it grupo nga ro rhodamine B, ro red-to-violet artificial dye hay ginabawae it ASEAN Cosmetic Directive bangud sa mga peligro sa ikamayad nga eawas kara.
Sa pihak kara, ginpakita it mga pagtuon nga ro rhodamine B hay kaeabanan nga ginagamit sa mga produktong kosmetiko bangud nga raya hay mas barato ag may mas maisog nga kulay kaysa sa natural nga mga natural dyes.
Gin-engganyo it FDA ro mga natungdan nga establisyimento nga likawan nga magbaligya it lipgloss nga may rhodamine B.
Nagpanawagan man raya sa mga regional field offices, local government units, ag law enforcement agencies nga siguraduhon nga indi mabaligya ro produkto sa andang natungdan nga mga lugar.
Gin engganyo man it FDA ro publiko nga i-report ro anumang pagbaligya, pagpanupod, ag ireklamo sa andang taeatapan ro tanan nga may kaangtanan sa produkto.
