-- ADVERTISEMENT --
KALIBO, Aklan–Bukon it paborable si Punong Brgy. Rafael Briones it Briones, Kalibo nga ipaisoe it uman ro nakataeana nga barangay ag sangguniang kabataan election sa Disyembre 5, 2022.
Suno kana, nakabaehag raya sa laye ag kinahang-ean nga sundon it mga mamalidha ag bukon it magpasa sanda it hagna nga mapaiway raya it uman sa pilang kahigayunan.
Ro barangay election suno kana hay makabig nga pinamilya kon siin kon maabo nga igbata ag pamilya sa lugar hay sigurado eon ro pagdaog sa pwesto nga ginapadaeaganan.
Mas makapamayad suno kana nga may election agud nga mabayluhan ro mga opisyales nga uwa naga function kamana man uwa it dapat nga ikabaeaka ro mga lider nga nagahimo it eksakto sa nasakupan nga barangay.
