Nagapati ro Quad Committee nga mas mapadasig ro paghueag it imbestigasyon angot sa extrajudicial killings sigon sa idaeom it administrasyong Duterte kon magatingob-puwersa ro Kamara ag Senado.
Suno kay Quad Committee overall chairman Robert Ace Barbers, ginproponer nanda kay Speaker Martin Romualdez ag Senate President Chiz Escudero nga makaangkon it joint committee hearing agud tingubon ro pag-usisa sa Extra Judicial Killing.
Sa raya nga pamaagi sigon hay mas maeapad, komprehensibo ag maaeam ro mga kutana it mga mamalidha ag masigurong patas ro imbestigasyon.
Paathag ni Barbers, kaparehas raya it joint session sa State of the Nation Address it Presidente ukon bicameral conference committee.
Maeapad nga isyu ro Extra Judicial Killing nga importanteng talakayon rason nga tyempo eon para magtipon ag maghimo it solusyon sa pinaagi it bag-ong laye nga magapugong sa patayan.
