Bangud sa pagpahalin kana sa trabaho rason nga nag-amok ag nagpamaril ro sangka bank employee sa Louisville, Kentucky, USA ko Lunes nga adlaw.
Suno kay Bombo International Correspondent Greg Aguilar sa California, USA nga an-um katawo ro patay sa insidente nga natabu sa Old National Bank sa Business District sa Downtown Louisville kaibahan ro gunman.
Nabaril ag napatay it mga nagrespondeng pulis ro suspek nga si Connor Sturgeon.
Kaibahan sa waeong naninahan kara ro daywang pulis nga nagapabilin nga gina-obserbahan sa ospital ro andang kahimtangan.
Dating empleyado it nasambit nga bangko ro 25-anyos nga suspek.
Antes ro insidente hay nagbakae pa sigon raya it AR-15 rifle ukon civilian version it armalite rifle ag ginpatigayon ro mass killing sa sueod eamang it 9 minutes kun sa siin ginpuntirya ro mga dating katrabaho.
Nakataeana nga igapaguwa it Police Department ro body camera footage agud nga masayuran ro matuod-tuod nga natabu.
Natukiban pa nga gin-live stream kara ro pag-atake sa Instagram.
