-- ADVERTISEMENT --
KALIBO, Aklan — Ginpasiguro ni Environment Secretary Roy Cimatu nga indi makasab-eag ro uman nga pagdaog sa bag-o eamang natapos nga eleksyon it napatalsik nga mayor it Malay nga si Ceciron Cawaling sa nagapadayun nga rehabilitasyon sa isla it Boracay.
Napahalin si Cawaling bangud sa gina-alegar nga pagpabaya sa environmental problems sa isla.
Ginpaathag ni Cimatu nga may 11 buean pa ro Boracay Inter-Agency Task Force agud nga trabahuhon ro iba pang kinahangeanon nga obrahon agud nga mapabilin ro naumpisahang rehabilitasyon masobra sa sang dag-on eon ro nagtaliwan.
Ginpahayag pa it sekretaryo nga hugut sa gihapon ro ginapatuman nga polisiya ag mga ordinansa sa isla.
