Ginpahayag ni Department of Justice (DOJ) Secretary Frederick Vida nga uwa pa it bag-ong development sa mga reklamong inciting to sedition ag grave threatsnga ginpasaka kontra kay Vice President Sara Duterte.
Padayon pa gihapon sigon nga gina-usisa it DOJ ro draft resolution angot it mga reklamong gindihon it National Bureau of Investigation (NBI) ku Pebrero 2025.
Angot ro mga reklamo sa paeag sigon ni Duterte kontra kanday Pangueong Ferdinand Marcos Jr., First Lady Liza Araneta-Marcos, ag dating House Speaker Martin Romualdez nga ginsambit sa sangka press conference ku Nobyembre 2024.
Ginklaro ni Vida nga bueag ro ginpatigayon nga proseso it DOJ sa impeachment trial sa Senado.
Nakapokus sigon ro DOJ sa pagtumod sa posibleng saeabtong kriminal it sangka indibidwal, samtang ro impeachment hay naga-tumod sa saeabton it sangka impeachable official.
Ginsigurado man nana nga maga-tao ro taeatapan it update sa oras nga may bag-ong tikang sa kaso.
