SHOWBIZ News — Gin-aku ni Sam Milby nga bueag eon sanda ni Miss Universe 2018 Catriona Gray, haeos sang dag-on matapos nga magkalhit ro mga espekulasyon angot sa andang break-up.
Na-engage sanday Milby ag Gray ko 2023, apang nataeupangdan it mga fans ko nagtaliwan nga dag-on nga ginbo-oe eon it beauty queen ro mga post angot sa andang engagement halin sa anang Instagram account.
Kat direktang kutan-on kon sanda pa ni Catriona, diretsong ginsabat ni Milby nga “bukon eon.”
Sa pihak it andang pagbueag, kan-o eamang hay nakita ro ex-couple sa concert ni TJ Monterde, kun sa siin nakita si Gray nga nagatangis samtang ginapamatian ro sambilog sa mga kanta.
Samtang, gindugang pa ni Milby nga owa it third party sa pagbueag nanda ni Cat.
Nagpaandam man imaw sa publiko nga indi basta-basta nga magpati sa mga bukon it beripikado nga balita online ukon makabig nga mga tsismis.
Aminado man si Milby nga dati sanda nga close it singer nga si Moira Dela Torre eabi eon kat naga-umpisa pa eamang imaw sa anang career.
Apang sa makaron suno kana hay bukon eon sanda it mag-amigo ag kon amat eon lang nga nagakita.
Nagpamalibad eon imaw nga magtau it dugang nga detalye.
Kan-o eamang hay gin-unfollow it actor si Dela Torre sa Instagram.
