Ginkumpirma it Altavas Municipal Police Station nga sangka daeaga ro nagdangop sa andang taeatapan agud nga ireport nga may sangka puti nga van nga nagpondo kana samtang nagapauli bandang alas-7:00 it gabie.
Apang suno kay Police Executive Master Sargent Sharon Odom it Altavas PNP Station nga uwa napamatud-an it tagreklamo kon anu ro tuyo kana.
Raya hay bangud nga pagkapondo sigon it van kadungan sa pagbukas it pertahan hay gilayon imaw nga nagdaeagan.
Uwa masayuri kon may nagpanaog nga pasahero ukon uwa.
Ginpahayag dugang ni PEMS Odom nga normal reaksyon sa 20-anyos nga daeaga ro natabo ag gindayaw kara ro anang pagiging alerto.
Samtang, nagtuga man it pagkaalarma ag kahadlok sa pumueoyo matapos ro gilayon nga pagpost it daeaga sa anang social media account sa nasambit nga insidente.
Ginhinyo man it pulisya nga iberipika anay it husto ro impormasyon ukon insidente kon raya hay may kamatuoran ag insigidang magreport sa mga otoridad.
