Kalibo Aklan ——Presenteng nagahimas it maeamig nga rehas sa locked-up cell it Nabas Police Station ro sangka eaeaki matapos nga gin-eampusan it pala ro kapareho karang laborer bandang alas 9:30 kabi-i sa Brgy. Union, Nabas.
Base sa imbestigasyon it pulisya, ginkilaea ro biktima kay Reynald Saturnino, 43-anyos samtang nakilaea man ro suspek ag mismong katrabaho karang si Denzen Aluro, 26-anyos, parehong tumandok it Brgy. Man-up, Altavas ag laborer it sangka telecommunication company sa nasambitang lugar.
Angot kara, nagapatigayun sigon it pag-inum-inom ro daywa kabi-i kat makaangkon sanda it sangkiri nga diskusyon.
Bangud sa owa pagka-intindihan hay gulpi eamang nagbuoe it pala si Alaluro ag gin-eampus sa alima it biktima rason para raya hay makaangkon it lastro.
Kasunod it insidente hay insigidang gindaea sa Aklan Provincial Hospital ro biktima para sa nagakaigo nga medikasyon.
Samtang ro suspek hay gin-aresto man it mga kapulisan para sa nagakaigo nga disposisyon.
