KALIBO, Aklan—Bangud sa sobrang kahilungon sangka eaeaki nagpang-ayat it inaway sa Brgy. Caticlan, Malay.
Ginkilaea ro tagreklamo kay Albert Occidental, 37-anyos, residente it nasambitang lugar samtang nakilaea mat-a ro suspek nga si Franklin Catigbi, 30-anyos, tumandok it San Isidro, Leyte.
Base sa insiyal nga imbestigasyon it Malay PNP, nagpatigayun it pag-inum ro daywa kung siin matapos nandang mag-inuman hay ginpauli eon it tagreklamo ro suspek.
May kaangtanan kara, kat nagahuway eon kunta ro tagreklamo, may nabatian sigon imaw nga sangag kung sa siin sa anang pagguwa hay nakita nana si Catigbi nga nagbalik nga may daeang kitchen knife ag nagapang-ayat it inaway.
Sa mayad nga swerte, may nag-agi nga mga nagarondang barangay tanod kung siin dali-dali man nga ginpilak it suspek ro anang buyot nga kitchen knife.
Samtang, kat nagapaadto eon sanda sa taeatapan it pulisya hay gulpi eamang ginbayo it tagreklamo ro suspek rason para makaangkon raya it lastro.
