Kalibo Aklan ——-Nagpangayo it bulig sa Bombo Radyo ro sangka 28-anyos nga ginang agud nga uman nga maka-uli sa probinsiya it Aklan kaibahan ro anang mister ag daywang mga unga nga puro maintok pa.
Suno kay Joyce Timtiman it Brgy. Loctuga, Libacao nga ko buean pa sanda it Enero kat mag-agto sa Pangasinan agud nga uman nga magkita ro anang mister ag ro anang ama nga naseparar it may pilang dag-on matapos nga magbueag ro anang mga ginikanan .
Naaywan sigon ro anang asawa sa poder it anang ina nga taga-banwa it Numancia matapos nga ro anang ama hay nag-uli sa andang lugar sa Pangasinan .
Nagbueuligan suno kana ro pamilya it ama it anang mister agud nga matigayon ro andang reunion.
Pano kunta nanda nga sang buean eamang ro bakasyon , apang na-stranded sanda tuga it COVID-19 pandemic.
Makaron hay gusto eon sigon nanda nga maka-uli sa Aklan bangud nga malisod eon ro ro andang sitwasyon idtu.
Bangud kara, naga apela imaw it bulig sa mga kaparehong Aklanon agud nga makatipon it pamasahe hasta nga maka-uli sa andang lugar sa banwa it Libacao.
