KALIBO,Aklan–Uwa naging sab-eag sa sangka pari ro anang edad agud nga padayon nga magkaantiguhan sa iba pang field of studies.
Raya hay matapos nga matagumpayan ni Rev. Fr. Pol Fulgencio Legaspi, resident priest it St. Joseph Spouse of the Blessed Virgin Mary nga matapos ro ika an-om nana nga kurso.
Si Fr. Legaspi hay nagtapos ko June 9 sa anang ika an-om nga kursong Bachelor of Science in Agriculture, Major in Crop Science sa Aklan State University-Banga Campus.
Maskin nga nakaagi sa pandemic era hay naeampasan ni Fr. Legaspi ro hangkat sa anang pag-eskwela kon sa siin mabahoe nga bulig ro mga media flatform para makaeagas gihapon sa andang leksyon.
Kato pa man sigon hay nakit-an eon ni Fr. Legaspi ro anang potensyal sa pagpananom hasta nga ko ulihi hay may nagtanyag kana it scholarship ag raya ro naging daean para matapos ro nasambit nga kurso.
Si Fr. Legaspi hay nauna eon nga sangka registered electrical engineer.
