INTERNATIONAL News — Si Pope Francis, nga nagtaliwan sa pihak nga kinabuhi sa edad nga 88 hay mas ginpili nga i-eubong sa Santa Maria Maggiore basilica sa Roma, partikular sa Pauline Chapel.
Imaw ro kauna-unahang Santo Papa sa masobra sa sang siglo nga indi iga-eubong sa St. Peter’s Basilica sa Vatican.
Ro basilica, nga ginpatindog ko ikalimang siglo, hay sambilog sa ap-at nga nagapangunang basilica it Papa sa Roma ag kilaea sa madaeum nga debosyon kay Birheng Maria. Pirme kara nga nagapangamuyo si Pope Francis antes ag pagkatapos it mga biyahe sa ibang nasyon.
Ulihi raya nga nagbisita sa lugar ko Abril 12, 2025.
Naka-eubong man sa basilica ro pitong Santo Papa, kaibahan si Clement IX ko 1669.
Makit-an man kara ro mga importanteng relics it Simbahan kapareho it mga pieces it sabsaban ni Hesus ag sangka icon ni Maria nga gina-angot kay San Lucas.
