KALIBO, Aklan — Suportado it Sangguniang Bayan it Kalibo ro planong pagpa-obra it overpass sa Kalibo Circumferential Road sa Brgy. Tigayon.
Suno kay SB member Augusto Tolentino, sangka resolusyon ro anang gindihon angot kara may mabuhay eon nga tiempo ro nagtaliwan kaibahan ro pagpa-construct it overpass sa prente it Kalibo Pilot Elementary School ag Aklan Provincial Hospital sa kahabaon it Mabini St. para sa kaeowasan it mga estudyante ag iba pang pedestrians .
Naga-inabu eon suno kana ro numero it mga pribado ag pampublikong saeakyan nga naga-agi sa nasambit nga mga lugar nga nagatuga it pag-gutok it daeagan it trapiko.
Makabig suno kana nga shortcut ro Kalibo Circumferential Road paagto sa western side it Aklan.
Ro ginaproponer nga proyekto hay suportado man ni Kalibo Mayor Juris Sucro kamana man nanday Aklan Congressmen Carlito Marquez ag Ted Haresco nga ro construction hay pagahimuon it national government pinaagi sa Department of Public Works and Highways (DPWH) .//
