KALIBO, Aklan— Namatay ko Huwebes it gabi-i ro bata pa nga sea green sea turtle nga may tama it pana nga nauna eon nga nasalbar it pilang residente sa isla it Boracay.
Raya hay matapos nga owa eon nasarangan it pawikan ro nina sa anang eawas halin sa naka-ungot pa nga pana it speargun.
Suno kay Haron Deo Vargas, Marine Biologist it Local Government Unit (LGU)-Malay, gintinguhaan pa nanda nga boengon ro anang madaeum nga nina, apang namatay man ko ulihi.
Suno kana nga grabe ro kondisyon it pawikan bangud sa tama it pana sa ibabaw nga parte it anang waea nga siki nga nag-eapos sa likod.
Ginapatihan nga tinamaan ro internal organs it pawikan rason nga kada nagaginhawa raya hay nagaguwa ro dugo sa anang nina.
Antes nga gin-eubong ko Biyernes it agahon hay ginputos anay raya it puti nga tuwalya.
Kadungan kara, ginbuhian it LGU-Malay ro 150 nga mga hatchlings it green sea turtle ag Olive ridley turtle (Lepidochelys olivacea) sa dagat.
