Sec. Galvez gin engganyo ro mga taga-Boracay nga magpa-booster shot
KALIBO, Aklan — Gin engganyo ni Vaccine czar Carlito Galvez Jr. ro mga residente sa Isla it Boracay nga magpa-booster shot kontra sa COVID agud nga eubusan eon nga mabuksan ro andang lokal nga turismo.
Raya hay matapos pangunahan ni Galvez ro “Resbakuna sa Botika” ag “Resbakuna Kids” sa Boracay kaibahan ro pilang opisyal it National Task Force Against COVID-19 ag local chief executives.
Mabatyagan eon sigon makaron ro epekto it bakuna bangud nga maskin nga ginhaeugaan eon ro hueag it mga tawo, owa eon it may nailistang kaso it COVID sa isla.
Apang, kinahangean sa gihapon nga magpa-booter ro mga tawo. Plano sigon it gobyerno nga bakunahan ro 90 milyon nga katawo antes ro pagtapos it termino ni President Dutere.
May mabahoe nga bulig ag proteksyon suno kana ro booster shot kontra sa makamaeatay nga sakit.
