Obligadong mag-upload it andang selfie ro mga maga-rehistro it andang sim card sa idaeom it Sim Registration Law.
Raya ro ginpadumdom ni DICT Undersecretary Anna Mae Lamentillo ag ro mga telecommunications company kadungan it pag-umpisa makaron nga adlaw it registration it mga sim card.
Suno kay Usec. Lamentillo kaparte raya it verification process sa ID nga igapakita it subscriber.
Kung owa sigon it selfie posibleng magpang-loko eamang ukon mandaya sa ID nga pagagamiton.
Ginpahayag man it Globe, Dito Telecommunity ag Smart nga insigidang magagamit ro sim card sa oras nga owa man it maging problema sa registration process.
Paandam it DICT ag telco indi magpuril bangud may kaibahan raya nga penalidad sandig sa laye ro pagbutang it saea nga impormasyon.
