Ginhangkat it Malacañang si Senador Alan Peter Cayetano nga ipaguwa ro liquidation it bilyong pisong pondong gingamit sa 2019 Southeast Asian Games, kasunod it pagkuwestiyon kara sa imbestigasyon it National Bureau of Investigation (NBI).
Suno kay Palace Press Officer Claire Castro, kun owa it dapat nga ikahadlok si Cayetano sa isyu it korapsyon, indi raya dapat nga maakig sa ginapatigayon nga imbestigasyon.
Ginkuwestiyon man ni Castro ro senador kun na-liquidate eon ro bilyong pondong gintaeana sa Philippine Southeast Asian Games Organizing Committee (PHISGOC), ag kun gin-report ro tanan nga donasyong nabaton para sa nasambit nga torneo.
Ginbanatan man ni Castro ro pagtawag ni Cayetano kay NBI Director Melvin Matibag nga sangka “minion.”
Sa baylo suno kana nga magpanamad ag magturo it iba, dapat sabton it senador ro mga isyung ginahaboy kontra kana angot sa paggamit it pondo sa SEA Games.
