Nagpahayag it pagkadismaya si Sen. Jinggoy Ejercito Estrada sa naging resolusyon it Department of Justice (DOJ) angot it mga kasong gindihon kontra kana, nga anang tinawag nga bukon it makatarungan.
Ginpamilit it senador nga base sa datos it Senate Legislative Budget Research and Monitoring Office (LBRMO), uwa it rekord nga imaw hay nagpasueod it anumang budget insertions para sa 2025.
Ginkilaea man ni Sen. Panfilo Lacson, chairperson it Blue Ribbon Committee, ro nasambit nga impormasyon bilang importanteng parte it istorya.
Ku Mayo 15, nagdihon si Estrada it omnibus motion sa DOJ para uman nga buksan ro preliminary investigation sa mga kasong gipasaka it National Bureau of Investigation (NBI) angot it flood control projects.
Tuyo kara nga maeakip ro dugang nga ebidensya para sa mas patas ag obhetibong pagresolba it mga reklamo.
Ginpunto man it senador ro importansya it due process ag ro pagsaalang-alang sa tanan nga ebidensya antes magpaguwa it desisyon, samtang sigurado nana nga paga-atubadngon nana ro mga alegasyon sa paagi it legal nga proseso ag nagapating maga-daog ro kamatuoran base sa opisyal nga rekord.
