KALIBO, Aklan—Naka-red alert status makaron ro bilog nga nasyon it South Korea partikular sa Daegu City.
Raya hay kasunod it nagapadayon nga pagkalhit it coronavirus disease ukon COVID-19.
Suno kay Bombo International Correspondent Yumi Kim, tubong Brgy. Navitas, Numancia apang presenteng naga-istar sa nasambitang lugar, kapin sa 2,337 eon sigon ro infected it makamaeatay nga virus kon sa siin 13 ro namatay ag 27 pa eamang ro nabueong.
Sa mga namatay, sambilog kara ro mongolian nga natapnan eamang sa sueod it ospital samtang ginpaidaeom sa operasyon sa liver transplant.
Makabig nga ghost town ro andang syudad bangud nga uwa haeos it nagaguwa nga mga tawo sa kahadlok nga matamaan it virus.
Nagareklamo eon man suno kana ro mga taxi ag bus driver bangud nga uwa eon it pasahero nga nagasakay kanda.
Ginapakamayad eon lang sigon it mga tawo sa lugar nga magdaea it kaugalingon nga saeakyan kaysa magcommute agud nga makalikaw sa COVID.
Nasayuran nga ro Daegu City ro may pinakamaabong kaso it mga nagkasakit it COVID-19 sa nasambitang nasyon.
