Bilang chairman sa committee on public safety and disaster preparedness, plano makaron ni Kalibo sangguniang bayan member Ronald Marte nga makaangkon it kaugalingon nga Speacial Weapons and Tactics ukon SWAT team ro lokal nga gobyerno.
Suno kana, inde eon malikawan ro pag-inabo it populasyon sa banwa it Kalibo bilang capital town it probinsya it Aklan ag ginakabig man nga first class municipality rason nga tyempo eon para sa re-modernization it Kalibo municipal police station.
May kaangtanan kara, sangka resolusyon ro anang ginaduso nga maga-organize it SWAT team nga maassign sa Kalibo PNP kon siin magapaidaeom man ro mga raya sa training ag dapat hay residente it nasambit nga banwa.
Ro mga kagamitan ag kinahang-eanon hay igaprovide it LGU kon siin nasambit eon man sigon nana ro plano kay Kalibo mayor Juris Sucro.
Ro iga-organize nga SWAT team hay makabulig sa pagresponde sa anumang insidente nga maga-eontad sa banwa it Kalibo ag inde eon kinahang-ean nga magtawag pa sa Aklan Police Provincial Office bangud nga may unay eon mismo sa Kalibo PNP.
Mag-eowas kara, plano man nana nga i-enhance ro traffic enforcers nga presenteng nakabantay sa mga nagapangunang daeanon sa banwa it Kalibo.
