Ginpasiguro ni House Speaker Martin Romualdez ro suporta it House of Representatives para kay Secretary Sonny Angara nga gintaeana ni Pangueong Ferdinand Marcos Jr., bilang bag-ong sekretaryo it Department of Education (DepEd) kabueos ni Vice President Sara Duterte nga nagresign sa pwesto.
Ginkalipay ni Speaker Romuladez ro pagkataeana kay Angara bilang incoming secretary it ahensya bangud sa anang maeawig nga eksperyensya, inde matupungan nga dedikasyon ag huwarang public service.
Gin-insister ni Romualdez nga sa kabilugang karera ni Senador Angara, ginpakita kara ro pagpamayad sa sistema it edukasyon ag pagtaguyod it mga kinamatarong ag kapakanan it mga estudyante ag manugturo.
Dugang pa nana nga daeayawon ro background ag mga kadaeag-an sa sueondanan sa edukasyon agud nga mapamunuan it husto ro ahensya.
Excited eon suno kana ro Kamara nga makipagbuligan kay Secretary Angara agud maipatuman ro handom nga masiguro nga ro kada ongang Pilipino hay may access sa de-kalidad nga edukasyon.
