Magasakay sa flight paagto sa Netherlands ro 24 sa 38 nga mga Filipino crew member it MV Hondius nga tinamaan it hantavirus.
Suno kay Department of Migrant Workers (DMW) Secretary Hans Cacdac, magapaidaeum sa quarantine ro mga raya sa nasambit nga nasyon.
Pahayag nana nga ro 14 nga iba pa hay magapabilin sa barko nga magaeayag paagto sa Rotterdam, The Netherlands ag kun maka-abot eon, maga-umpisa sanda it andang kaugalingon nga quarantine. Magapanaog sanda para sa quarantine samtang iga-disinfect man ro barko.
Engkaso nga matapos, iga-repatriate sa Pilipinas ro tanan nga mga Pinoy.
Ginaeakipan it 24 nga hotel staff ag 14 nga deck and engine staff ro 38 nga mga Pinoy.
Sa makaron, naka-angkorahe sa Tenerife, Spain ro nasambit nga luxury cruise ship.
