Nag-abot eon sa bag-ong record high nga ₱18.49 trilyon ro outstanding debt it gobyerno it Pilipinas ko Marso, suno sa Bureau of Treasury, adlaw it Miyerkules.
Mas mataas raya it haeos 2% kumpara sa ₱18.16 trilyon ko Pebrero.
Suno sa BTr, ro pagtaas hay tuga it padayun nga paghina it piso ag pagtaas it domestic borrowings.
Nagsaka sa ₱12.53 trilyon ro domestic debt, mataas it ₱55.4 bilyon ukon 0.44% halin ko nagtaliwan nga buean, bangud sa net issuance it government securities nga nag-abot sa ₱46.72 bilyon.
Dugang pa kara, nakabulig man sa pagtaas ro paghina it piso, nga nagdugang it ₱8.68 bilyon sa haega it foreign currency-denominated domestic securities.
Samtang, padayun nga nagahina ro piso ko Marso bangud sa pagbaskog it US dollar nga apektado it naga-grabeng tensyon sa Middle East. Ko Marso 19, unang nag-eampas ro piso sa ₱60 per US dollar, ag mas pang humina sa hasta sa ₱60.69 pag-abot it katapusan it buean.
