KALIBO, Aklan — Sa pihak it pagiging compliant hotel, igapaidaeom gihapon sa inspection ro mga hotels ag resorts nga pagasugtang makapag-operate sa pagahimuong dry run sa Oktubre 15 hasta it 25.
Suno kay Environment Secretary Roy Cimatu nga pagapahueagon eon kara ro kapin sa 20 environmental officers agud usisaon ro wastewater quality sa sewage treatment plants (STPs) it magabukas nga hotels ag resorts agud masayuran kon maayos ro pagka-install kara.
Mas makapamayad sigon kon mapuno ro 1,000 rooms nga gintaeana para sa dry run sa pagahimuong assessment.
Ro mga nasambitang resorts hay nakataeanang iga-anunsyo it Department of Tourism.
Samtang sa reopening it Boracay sa Oktubre 26, mahimo sigon nga taasan pa nanda ro 19,000 tourist per day nga maximum nga ginapasugtang numero it turista nga magabisita sa Boracay.
Ro frontbeach ro magiging dungkaan it mga nagabyaheng baruto, kon siin magabutang it pontoon ukon floating landing area.
Samtang, ginpahayag pa it sekretaryo nga magapatindog sanda it taeatapan sa Boracay agud ma-monitor ro mga nagahimo it pag-eabag sa environmental laws.
