-- ADVERTISEMENT --
Kalibo Aklan——-Nagapabilin nga bastante ro supply it bugas sa probinsya it Aklan suno sa pinakaulihing rice inventory it National Food Authority (NFA)-Aklan.
Ginapahayag nga ro stocks it bugas sa warehouse it NFA hay naga-abot sa 85, 864 bags it paeay ukon unmilled rice ag 5, 477 nga sako it bugas nga may katumbas nga kabilugang 59, 571 nga bag it bugas nga magabuhay it hasta 13 adlaw para sa pang adlaw-adlaw nga konsumo it mga pumueoyong Aklanon.
May mga rice buying station man nga ginpatindog ro taeatapan partikular sa mga maeayo nga lugar sa probinsya agud nga engganyuhon ro mga mangunguma nga direktang ibaligya sa NFA ro andang mga ani nga andang pagabak-eon sa mas mataas nga presyo ukon 19 pesos kada kilo.
