POLICE Report — Nagpahayag it paghinoeose sa anang ginhimo nga krimen ro suspek nga nakilaea kay alyas “Kenneth” nga nakabaril-patay sa sangka rider ag pagkanina it tatlong iba pa kasunod it sangka away sa karsada sa Barangay Boso-Boso, Antipolo City, Rizal, Domingo nga adllaw, Marso 30.
Nagpangayo it pasaylo ro suspek ag ginlaygayan ro mga maeakot sa away-trapiko nga indi maggamit it baril.
Sa pihak nga parte, ginpasidunggan it Philippine National Police (PNP) it Medalya ng Kagalingan (Medal of Merit) ro waeong tawuhan it Antipolo City Police Station sa madasig kara nga pagresponde sa shooting incident nga nagresulta sa car chase sa nasambit nga siyudad.
Personal nga gintau ni PNP chief Gen. Rommel Marbil ro award kanday Lieutenant Orlando Santos, Chief Master Sergeant Rannel Cruz, Corporal Kaveen-John Vea, Corporal Joeban Abendaño, Corporal Niño Chavez, Patrolman Reylan De Chavez, Patrolman Michael Keith Panganiban, ag Patrolman John Marc Manahan.
Nauna eon nga ginpahayag ni Antipolo police chief Lt. Col. Ryan Manongdo nga magapasaka it reklamong multiple frustrated homicide ag pag-eabag sa Batas Pambansa BLG 881 ukon Omnibus Election Code ro pulis kontra sa motorista nga namaril.
