Ginkumpirma it Department of Migrant Workers (DMW) nga eowas ro tanan nga 39 nga Pilipinong marino nga sakay it daywang barko sa Black Sea matapos ro napabalita nga drone attacks maeapit sa Novorossiysk, Russia.
Suno sa DMW, eowas ag owa it anuman nga naangkon nga nina ro 17 nga Pilipinong crew it MV Anna S matapos raya nga kumpirmahon it shipowner ko Agosto 22.
Eowas man ro 22 nga Pilipinong tripulante it MV Elina B, nga gin-atake matapos kara nga eowason ro mga crew it MV Anna S ko Agosto 17.
Samtang, sangka Pilipinong marino halin sa MV Anna S ro nagapabilin nga sa ospital sa Turkiye ag sa estable eon nga kondisyon samtang ginabueong bangud sa ibang baeatian. Insigida man nga nagtau it bulig ro shipowner ag port team sa mga apektadong crew.
