Ginaimbestigahan eon ro tatlong ka mga indibidwal nga ginakabig nga person of interest nga sanda ro ginatumod nga may kahimuan sa nadiskubrehan nga bandalismo sa may bahin it Veterans Avenue ag D Maagma St. sa banwa it Kalibo.
Suno kay Punong Barangay Neil Candelario, ginakasubo it council ro natabo bangud ro lugar nga andang ginbadalismo hay bag-o eamang nga paayos ag papintura it lokal nga gobyerno.
Ginatinguhaan sigon nga mapanami ro sentrong banwa it probinsya it Aklan apang may nagaeapnaag nga mga malit kon siin nagakadapat sanda nga imponeran it penalidad.
May kaangtanan kara, insigidang nagpatigayon it imbestigasyon ro Kalibo municipal police station kabulig ro barangay council ag LGU kon siin nakit-an sa mga cctv footage nga tatlo ro may kahimuan sa nasambit nga bandalismo.
Ginakilaea eon sigon ro mga raya ag posibleng magapangatubang sa nagakaigong penalidad sa oras nga madakpan eon sanda it mga otoridad.
