Gin-insister ni defense lawyer Nicholas Kaufman nga ro paggamit it terminong “high-value target” (HVT) sa prosecution brief kontra kay dating Pangueong Rodrigo Duterte hay bukon it pamatuod it sangka planadong pagpatay.
Suno kay Kaufman, ro HVT hay sangka operational classification eamang nga ginagamit sa law enforcement agud tumuron ro mga prayoridad sa anti-drug operations, ag bukon sigon raya it “code” para sa mando nga pumatay.
Suno pa kana, maabong operasyon kontra sa mga ginbansagang HVT ro nauli sa pag-aresto ukon pagsurender maskin nga may pila man nga nagresulta sa pagkamatay bangud sa engkwentro.
Dugang pa ni Kaufman, dapat tigsambilog nga usisaon ro kada insidente ag bukon sigon it bastante ro pag-angot kay Duterte base eamang sa classification ukon testimonya it mga insiders.
