KALIBO, Aklan — Ginpaidaeom eon lang makaron sa terrorism threat level 1 ro probinsya it Aklan kapin eon ro isla it Boracay.
Suno kay P/CInsp. Bernard Ufano it Provincial Intelligence Section it Aklan Police Provincial Office (APPO), nagapabiling may paeag nga sudlon it terorista ro Boracay, apang manaba ro posibilidad.
Ro uman nga pagbukas sigon it isla hay makabig nga mabahoe nga paeag sa seguridad.
Sa pihak kara, kapin pang ginhugta it Metro Boracay Police Task Force ro seguridad sa sueod ag guwa it isla.
Ginpaidaeom eon man sa terrorism seminar it Department of Interior and Local Government (DILG) ro tatlong barangay sa Boracay ag kaeapit nga banwa it Nabas, Kalibo ag New Washington.
Sa pihak nga parte, uman nga nagpaandam si Ufano sa publiko nga likawan ro paghimo it bomb joke kasunod it natabong mga bomb scare sa pilang eskwelahan sa Iloilo ag Bacolod City.
