Magapatigayon it job fair makaron nga adlaw it Sabado, Agosto 29, 2026 ro Technical Education and Skills Development Authority (TESDA) bilang kaparte it andang ika-32 anyos nga anibersaryo.
Suno kay Almira Mendoza it TESDA Aklan, ro nasambit nga aktibidad hay pinaagi sa pakikipagbuligan sa Public Employment Service Office (PESO) Kalibo.
Ro World Café of Opportunities ag Job Fair hay bukas sa tanan nga TESDA graduate ma-showcase ro andang skills, makipagkita sa mga potential employers ag ma-explore ro andang gustong career.
Kaeakip sa mga pwedeng maaplayan nga trabaho it mga job seeker hay ro pagiging hotel workers, domestic helpers ag maabong iba pa.
Igapatigayon ro event sa Kalibo Pastrana Park Covered Court, Poblacion, Kalibo umpisa alas-8:30 it agahon hasta it alas-4:00 it hapon.
Ginlaygayan man ni Mendoza ro mga aplikante nga magdaea it nagakaigong dokumento kaparehas it andang resume, training certificate, valid identification card ag iba pa.
