Posibleng may koneksyon ro pag-anunsyo ni VP Sara Duterte it anang kandidatura sa pagka-pangueo sa maabot nga 2028 national elections sa anang ginapangautbang nga mga impeachment complaints.
Raya ron ginpahayag ni Leodegario “Ka Leody” de Guzman, national president it partido lakas ng masa (PLM).
Suno kana, bukon eon it bag-o ro pag-anunsyo it timprano sa kandidatura, apang sa pag-anunsyo it bise presidente hay indi mawaea ro pagduda it publiko nga ginsadya nana nga idungan raya sa anang mga ginapangatubang nga reklamo.
Sa ana sigon nga panan-awan, ginapaeayo eamang nana ro pokus it publiko ag mas gusto lang nana nga istoryahan ro eleksyon kaysa sa mga reklamo nga gindihon kontra kana.
Dugang pa nana, taktika eon man sa Pilipinas ro samaran ro kontra partido para takpan ro kaugalingon nga kasae-anan.
Mageuwas kara, posible man sigon nga tuyo it bise presidente nga i-rally ro anang mga tagasuporta nga umpisahan eon ro pagpangampanya para kana.
