KALIBO, Aklan—Umabot sa kabilugan nga 124,491 ro tourist arrival sa isla it Boracay ko buean it Setyembre.
Raya hay base sa datos nga ginpaguwa it Malay Municipal Tourism Office.
Sa nasambit nga numero, 94,160 kara ro mga domestic tourists, 803 ro Overseas Filipinos ag 29,528 mat-a ro foreign tourists.
Nasayuran nga halin buean it Enero hasta ko Agosto it presenteng dag-on hay nakalista ro nasambit nga taeatapan it 1.5 milyon nga numero it mga turista nga nagdagsa sa isla it Boracay.
Bangud kara, kumpiyansa sanda nga sa buean it Nobyembre hay maabot ro target nga tourist arrivals nga 1.8 milyon ag ginaeauman nga sa pagtapos it 2023 hay maka abot pa it 2 milyon ukon masobra pa.
Samtang, nagapabilin nga mga turista halin it South Korea gihapon ro nagapanguna sa kaabuon it tourist arrivals sa Boracay.
Ginsundan raya it China ag Taiwan bangud sa mga direct flights.
Kamana man nakasueod ro Estados Unidos, Japan, Australia, United Kingdom, Germany, Russia, ag France sa may pinakamaabu nga tourist arrival sa isla.
