Nakalista it haeos 7% nga pagtaas sa tourist arrival ro Malay-Boracay Tourism Office para sa buean it Enero.
Suno kay Kathrine Licerio, tagapaghambae it nasambit nga taeatapan, una sa 213, 281 ro kabilugan nga numero it tourist arrival sa Isla it Boracay makaron nga buean kun sa siin masobra 47,000 kara hay mga dumueuong turista, 159,415 ro local tourists, ag 6,590 mata-a ro mga OFW.
Kun ikumpara sa parehing buean it nagtaliwan nga dag-ong 2025 nga nakalista it kabilugan nga 199, 992 tourist arrival, haeos una sa 7% ro gintaas sa parehong tyempo makaron nga dag-on.
Paathag ni Licerio, posibleng nakabulig sa pagtaas it tourist arrival ro nagkaeain-eain nga aktibidad sa isla kapareho it ginadayo nga Boracay Ati-Atihan Festival, pati eon man ro Kalibo Ati-atihan Festival.
Mageuwas kara, sambilog man sa rason it pagtaas ro padayon nga pagpanikasog it lokal nga gobyerno it Malay, kaibahan ro Boracay stakeholders, sa pag-promote it Isla bukon eamang sa national kundi pati sa pangkalibutanon nga turismo.
