KALIBO, Aklan—Nakalista ro Western Visayas it 10.25 percent nga pagtaas sa tourist arrivals ko 2024 nga naghimo it P74 bilyong tourism revenue, suno sa Department of Tourism (DOT).
Ginpahayag ni Tourism Regional Director Crisanta Marlene Rodriguez, nga ro rehiyon hay may masobra sa 5.9 milyong tourist arrivals ko 2024, mas mataas sa 5.36 milyong arrival ko 2023.
Dugang pa nana nga ro rehiyon hay may impresibo nga growth rates, kun sa siin nailista sa Capiz ro pinakamabahoe nga pagtaas sa 43.73 percent.
Ginpahayag pa ni Rodriguez, 603,171 sa tourist arrivals hay mga dumueuong ag overseas Filipino tourists.
Nailista sa Aklan, kun sa siin makit-an ro Isla it Boracay, ro total arrivals nga masobra sa 2.2 milyon sa pihak nga nairehistro kara ro pinakamanabang pag umwad sa 0.09 percent.
Sa pihak it pagnaba sa domestic visitors, nagapabilin nga 2.13 percent nga mas mataas sa pre-pandemic levels ro numero it mga turista sa rehiyon.
Nagbaton sigon ro Boracay Island it 17,292 visitors halin sa siyam nga cruise calls ko 2024.
Nagapadayun man ro isyu sa pag-usisa sa tourism-related fees sa Boracay, kasunod it mga puna it pilang stakeholder nga masyado raya nga mataas.
