KALIBO, Aklan — Nagkaealhit ro kinahon nga beer matapos nga tumagilid ro truck sa kilid it national highway it Sitio Bugtong, Brgy. Rizal, Nabas.
Suno kay Patrolman Joel Palses it Nabas Police Station nga base sa andang imbestigasyon, samtang nagabyahe ro behikulo maghalin sa Numancia paadto it Caticlan hay nabugto ro kaeat nga ginhigot sa wing van nga ginamaneho ni George Sigaton, 43, ag residente it Brgy. New Buswang, Kalibo rason nga sunod-sunod nga nagkaeahueog ro kahon-kahon it ilimnon kadungan sa pagkaeabasag it mga bote.
Ginpahayag dugang nga pagkabugto it sangka parte it kaeat hay naghaeoga eon sigon ro iba hasta nga nahukas ro sidings it wing van hasta nga nagkaeahueog ro nasambitag kahon-kahon it ilimnon.
Ro nasambitang insidente sigon hay nagtuga it sangkiring trapiko apang gilayon man nga nahimos sa bulig it mga residente sa lugar.
