Nagpaandam si U.S. President Donald Trump sa Iran nga insigidang maghueag para sa sangka peace deal, kadungan it pahayag nga posibleng “maubos” ro nasyon kun indi raya maghueag.
Sa sangka post, ginpahayag ni Trump nga nauubos eon ro oras it Iran samtang nagapadayon ro gyera nga nag-umpisa matapos ro ginpag-ibang pag-atake it Estados Unidos ag Israel ku Pebrero 28.
Padayon man nga nalilisdan ro mga bahin nga magkasugot sa peace negotiations, samtang naga-lala ro epekto it kinagamo sa pangkalibutanong presyo it langis.
Kapin pang naging komplikado ro istoryang pangkalinungan matapos ireport it Iranian media nga uwa it klaro nga konsesyon ro proposisyon it Estados Unidos, nga ginakaeakipan it pagpahugot sa nuclear program it Iran ag paghalin it enriched uranium sa U.S.
