USA – Ginakonsidera ni US President Donald Trump nga magpataw it 10% taripa sa import goods halin China umpisa sa Pebrero.
Gindepensahan ni Trump ro nasambit nga tikang paagi sa pag-akusa sa China nga nagapadaea sigon it fentanyl sa Amerika, sa paagi it Mexico ag Canada.
Ro fentanyl hay sangka opioid nga nagapalala it krisis sa iligal nga droga sa kalibutan.
Ginsundan pa raya it paeag ni Trump nga magpataw it import tax nga 25% sa Mexico ag Canada at ag gin-akusahan ro mga raya it pagsugot sa mga bukon it dokumentadong migrants ag mga droga nga magsueod sa Amerika.
Matandaan nga sambilog sa mga promisa ni Trump sa anang kampaniya sa pagpaeapad it taripa nga suno kana hay makabulig sa ekonomiya it US.
Apisar, suno sa analyst hay mahimo humantong raya sa mas mataas nga presyo it goods para sa Americans ag pasakit para mga kompaniyang apektado it foreign retaliation it administrasyon.
