Ginbatikos ni U.S. President Donald Trump si German Chancellor Friedrich Merz angot sa pagpamalibad it Germany nga magtao it suportang militar para siguraduhon ro seguridad sa Strait of Hormuz.
Ginpahayag ni Trump nga bukon it bastante ro bulig it mga nasyong miyembro it NATO, kaibahan kara ro France ag United Kingdom.
Suno pa kay Trump, ginpamalibaran sigon ni Merz ro pagpasakop sa pinaagi it pahayag nga “This is not our war,” maskin nga ro orihinal nga naghambae kara hay si German Defense Minister Boris Pistorius.
Ginkumpirma nana raya sa nagakatabong gyera sa Ukraine nga suno kana hay “not our war” apang padayon gihapon ro Estados Unidos sa pagtao it suporta.
Samtang, gintinguhaan ni German Foreign Minister Johann Wadephul nga pakalmahon ro tensyon sa tunga it Berlin ag Washington.
Pagkatapos it pag-istorya kay U.S. Secretary of State Marco Rubio sa France, ginklaro ni Wadephul nga uwa pa nagato it request ro U.S. sa Germany it military support sa nasambit nga tyempo ag ro makaraya nga isyu sigon hay pagatalakayon eamang matapos magtawhay ro mga gyera.
