KALIBO, Aklan — Nagreklamo sa Malay Police Station ro sangka 26 anyos nga turista bangud sa ginhimo nga pagpanakaw it sangka menor de edad sa anang bag samtang nga nagapaligos sa baybayon nga sakop it Station 2 sa Barangay Balabag sa isla it Boracay.
Nakilaea ro biktima nga si Carmela Dawn Banzuela, residente it Villa Leyson Subdivision, Bacayan, Cebu City.
Ro insidente hay natabu samtang nagapaligos ro biktima nga kon sa siin hay gin-aywan nana ro anang bag sa kilid it baybay .
Sa pagtakas sa tubi, insigida imaw nga gin-impormahan it testigo nga si John Lester Prado nga ginbo-oe it 16-anyos nga binatilyo ro anang bag nga may sueod nga cellphone, credit cards, insurance card, drivers license ag kwarta nga kapin sa P1,500.
Sa ginpatigayon nga follow-up operation it mga kapulisan, insigidang nadakpan ro binatilyo nga kon sa siin hay bitbit pa kara ro anang gintakaw nga bag ag mga sueod kara.
