Gintaeana eon ro pagboto it 17 milyong kwalipikado nga voters halin sa 22 milyong pamueoyo it Sri Lanka para sa eleksyon it ika-10 nga Pangueo it mismong nasyon.
Raya ro kauna-unahan nga eleksyon halin kat matabo ro pinakamalala nga krisis sa ekonomiya it nasyon ko 2022 nga nagpahalin kay dating President Gotabaya Rajapaksa.
Uman nga gintestingan ni incumbent President Ranil Wickremesinghe, nga magbaylo kay Rajapaksa, nga nagdaog sa pagkapangueo. Imaw man sa anang mga karibal nga kandidato nga sanday Anura Kumara Dissanayake halin sa Janatha Vimukthi Peramuna (JVP) party ag Sajith Premadasa it Samagi Jana Balawegaya (SJB) party nga mabuoe ro posisyon.
Nag umpisa ro botohan sa 13,134 polling stations it nasyon 7am nga oras sa Sri Lanka o 9am (PH time) Kaghapon nga sabado. Nagsara man ro botohan bandang 4pm (Sri Lanka time) o 6pm (PH time).
Ro eleksyon makaron nga dag-on sa Sri Lanka hay ginakabig bilang referendum para ireporma ro ekonomiya para uman raya nga makabangon halin sa nagtaliwan nga krisis.
Samtang, ro magadaog nga Pangueo it Sri Lanka hay magaserbi sa sueod it 5 dag-on ag may limit nga daywang termino.
