Nakataeanang magtao it dugang nga $1 million dollars ro Estados Unidos sa Amerika sa Pilipinas nga pagagamiton para humanitarian aid nga pagadumaeahan it USAID ag World Food Programme.
Sa pagbisita ni Austin sa Malakanyang, ginpahayag nga gintaw-an eon it otorisasyon ro tanan nga US forces nga iya sa nasyon para magbulig sa nagapadayon nga rescue, relief and rehabilitation efforts it gobyerno.
Raya hay kasunod sa naging pagpanaeasa it mga nagtaliwan nga bagyo.
Ro dugang nga $1 million dollars nga bulig hay mag-eowas pa sa 100,000 pounds nga suplay nga andang gintao sa mga naunang bagyo ag nagapadayon gihapon ro pagbulig para mas madasig nga makabangon ro Pilipinong eubus nga naapektuhan it kalamidad.
Ro alyansa it Pilipinas ag Amerika hay kapin pang ginpalig-on sa nakataliwan nga 40 anyos.
Sa pihak nga parte, nagpa-abot it simpatiya ag pangamuyo ro Amerika sa Pilipinas ag sa mga Pilipinong nakaeksperyensya it pagpanaeasa it magkasunod nga bagyo.
