KALIBO, Aklan–Padayun ro panawagan it Estados Unidos ag mga kaalyado kara nga nasyon sa China nga indi magpadaea it anumang armas sa Russia.
Raya hay sa tunga gihapon it masobra sang dag-on eon nga pagpang sakop it Russia sa pilang rehiyon it Ukraine.
Suno kay Bombo International Correspondent Greg Aguilar nga ginakabaeak-an makaron it kaabuan nga engkaso nga magpasilabot ro China hay magabaeos man ro Amerika ag iba pang Western countries.
Ko kan-o eamang kat gin-anunsyo it US ro panibag-ong bulig militar nanda sa Ukraine nga nagabalor it kapin sa $400 milyon.
Ginakaeakipan raya it dugang nga bala para sa andang High Mobility Artillery Rocket Systems (HIMARS), armored vehicles Launched Bridges, Demolition munitions and equipment para sa obstacle clearing.
Sa kabilugan, naga-abot eon sa $35 billion ro haega it bulig nga naitao it Amerika sa Ukraine.
