Plano ni US President Joe Biden nga buhion ro anang agenda para matalakay ro mabuhay eon nga problema sa climate change sa tunga it heatwaves nga presenteng na-eksperyensyahan sa Estados Unidos ag Europa.
Suno kay Biden ro climate change hay sangka klaro ag presenteng paeag sa pilang parte it kalibutan.
Agud nga raya hay masolusyonan, magataeana sigon imaw it $2.3 billion bilang investments para makabulig sa pagpatindog it imprastruktura sa Amerika para masolusyonan ro climate disasters.
Dugang pa kara nga nagapangatubang makaron sa peligro ro kaeawasan it mga pumueoyo, komunidad, national security ag ekonomiya it Amerika rason nga kinahang-ean eon nga maghueag.
Sa makaron, ginapag-isipan pa ni Biden kung magadeklara it formal climate emergency nga magatao kana it dugang nga policy powers.
