Magahiwat it istorya ro US ag Israel para mapunggan ro pag-atake kara sa oil sites it Iran bilang baeos sa ginhimo nga missile attacks it Tehran.
Pahayag ni US President Joe Biden nga bukon imaw it pabor nga basta eun lamang umatake ro Israel sa Iran bangud sigurado nga maabong sibilyan ro madaeahig.
Ginbatikos man it Qatar ro pilang mga nasyon bangud sa pagpabaya it pag-eapad it gulo sa Israel ag Iran.
Pahayag ni Qatar’s Emir Sheikh Tamim bin Hamad Al Thani nga ro kapabayaan it international community hay nagdaea it maeaparan nga gulo sa Gaza.
Sa mga nagtaliwan nga adlaw abi hay gintarget it Israel ro mga medical facilities ag TV stations sa Beirut.
Ginpabugae pa it Israel Defense forces nga andang gintamaan ro intelligence office it Hezbollah sa Beirut.
