-- ADVERTISEMENT --
Nag-abot sa P19.065 trilyon ro kabiluhan nga nabilin nga utang it gobyerno sa pagtapos it Hunyo, suno sa Bureau of the Treasury (BTr).
Mas mataas raya it P518.98 bilyon kumpara sa nalistang P18.546 trilyon ku Mayo.
Suno sa BTr, ro pagtaas it utang hay nagapangunang tuga it dugang nga pag-pangutang it gobyerno sa sueod ag guwa it nasyon para pondohan ro mga programang pang-kaumwaran, samtang sangkiring napunggan ro pagtaas bangud sa pagbaskog it piso.
Una sa P12.837 trilyon ro domestic debt, nga kaabuan hay halin sa government securities, samtang nag-abot man sa P6.227 trilyon ro external debt matapos ro dugang nga pag-utang sa ibang nasyon nga nagakahaeaga it P223.11 bilyon.
